I sicrhau ein bod ar y llwybr cywir tuag at wireddu ein gweledigaeth, mae Cymdeithas Bêl-droed Cymru yn ymrwymo i fonitro cynnydd yn erbyn pob un o’n hamcanion strategol drwy ddefnyddio cyfres o fesurau wedi’u diffinio’n dda.
Drwy dracio ac adolygu’r cynllun yn rheolaidd, byddwn yn gwneud yn siŵr bod y nodau bob amser yn berthnasol a realistig yn ogystal â pharhau’n atebol am weithredu’r strategaeth.
Gan fynd ati’n rhagweithiol i fonitro’r prif elfennau sy’n gyrru perfformiad, bydd modd i Gymdeithas Bêl-droed Cymru ddatblygu a gweithredu gwrthfesurau pan fydd digwyddiadau sydyn ac annisgwyl yn taflu cynlluniau oddi ar eu cwrs.
Bydd datblygu Dangosfwrdd y Gymdeithas yn dod â’r holl ddata yma yn fyw ac yn helpu’r Bwrdd a’r tîm gweithredol i ddeall yr wybodaeth mewn ffordd weledol.